მაგრამ…

რაღაც საოცრება მოხდა და აი ასე, მოულოდნელად ყველაფერი ერთად გამომივიდა.

მოკლედ…

ცოტახანში ქართულ რადიო სივრცეში იქნება ახალი გადაცემა მხოლოდ და მხოლოდ ქალებისთვის და მხოლოდ და მხოლოდ ქალებზე.

ყველაფერი რაც გაწუხებს, გრძნობ, განიცდი, უბრალოდ ამოთქმა გინდა რასაც ფიქრობ, უბრალოდ გინდა რომ მოგისმინონ და ა.შ.

რადიო GIPA 94.3 შეგიძლია მოისმინოთ ჩემი შოუ, HAG SHOW

მალე…

პ.ს. ფრთები მაქვს ))))

ამ ეტაპზე ტექნიკურ დეტალებს ვაგვარებ და სულ მალე უკვე დადგება ის დღე როდესაც ამ ბლოგსაც ექნება აზრი და ჩემს გადაცემასაც ჩაედგმება სული… მანამდე კი ინკუბატორის სტადიაზე ვარ

მინდა ჩემი გადაცემის ქუდი მოგასმენინოთ რაც ამ ეტაპზე მზად არის…

ესე იგი შოუს შესახებ ვრცლად შესაბამის გვერდზე შეგიძლიათ წაიკითხოთ დანარჩენს ნელ ნელა დავწერ ყველაფერს, კითხვებს სიამოვნებით ვუპასუხებ და თქვენ მოსაზრებებსაც მთელი გულით წავიკითხავ

გადაცემისთვის დრო არ არის ზუსტად განსაზღვრული ამიტომ მინდა პატარა გამოკითხვასავით ჩავატარო რა დროს გირჩევნიათ მოუსმინოთ გადაცემას…

ძალიან მაინტერესებს და უფრო მეტად მჭირდება თქვენი აზრის გაგება ამასთან დაკავშირებით, რა დროს უსმენთ ყველაზე ხშირად რადიოს, რა სიტუაციაში და რამდენად ხშირად…

მაგრამ რადგან სამივე შეკითხვას ვერ უპასუხებთ ასე ჩამოვყალიბდი…

იმედი მაქვს არ დაიზარებთ და თქვენი აზრის დაფიქსირების გარდა ბლოგსაც გაეცნობით და ჩემი შოუს შესახებ მეტს გაიგებთ…

მე არ მოგცემთ რჩევებს არ დაგარიგებთ ჭკუას, რომელსაც ისედაც არ ხართ მოკლებული.

ყველა ადამიანს აქვს სათქმელი, ყოველთვის და ყველაფერზე, უბრალოდ ხშირად ამას არ ვამბობთ და ამაზე არ ვსაუბრობთ, იმიტომ რომ ამისთვის ხშირად დრო და უფრო ხშირად პირობები არ გვაქვს.
ან გამბედაობა არ გვყოფნის.

პირადი ცხოვრება… ძალიან რთული და დიდი თემაა, მაგრამ გააჩნია როგორ მიუდგები, ეს თქვენზეა დამოკიდებული, რა არის თქვენთვის მარტივი და რთული.

ზოგი თქვენგანისთვის პირადი ცხოვრება ძალიან მარტივი თემაა, ზოგისთვის ძალიან რთული. მაგრამ ამის შესახებ მხოლოდ თქვენ იცით, ის რაზეც ესე პირდაპირ არ საუბრობთ.

მოდით დაფიქრდით რამდენჯერ გქონიათ სურვილი თქვენი ემოცია ვინმესთვის გადმოგეცათ, მაგრამ ვერ მოგიძებნიათ გარშემო ადამიანი, რომელიც ზუსტად გაიგებდა ამ ემოციას გაკიცხვის და ჭკუის დარიგების მორიგი სერიის გარეშე.

ადამიანის ბუნებაა ასეთი, ყველაფერი პირველ მეორე და ა.შ. ხარისხის პრობლემებად და თემებად დაყოს, საკუთარი პრიორიტეტების და ღირებულებების შესაბამისად. ამ დროს შეიძლება ძალიან უბრალო მაგრამ ძალიან ემოციური მომენტების სულ მარტო გადალახვა მოგიწიოთ მხოლოდ მიტომ რომ გვერდით არ აღმოჩნდეს ადამიანი, რომელიც უბრალდო მოგისმენთ.

მე არ მინდა ვიყო ეს ადამიანი, მე უბრალოდ შემიძლია მოგისმინოთ. მოვისმინო რაც სათქმელი გაქვთ.

პირადი ცხოვრება. საქართველოში და არა მარტო, მაგრამ ჩვენ როგორც წესი საქართველოზე ვისაუბრებთ, რადგან იმ სხვა ქვეყნის მოქალაქეების უფლებებს არ შევლახავთ, რომლებსაც საშუალება არ ექნებათ გვიპასუხონ. ამიტომაც მხოლოდ ქართული რეალობით შემოვიფარგლებით, თანაც ფაქტია რომ ყველა ჩვენგანი მეტად კომპეტენტური სწორედ ამ სივრცეშია.

ასე რომ განვაგრძობ თემას რომელიც კონკრეტულად ქართველი ქალბატონების პირად ცხოვრებას ეხება და რომელიც ხშირ შემთხვევაში სწორედ პირადი ცხოვრების არ არსებობას გულისხმობს.

რამდენი ქალბატონია თქვენს ირგვლივ რომელთან მიმართებაშიც გსმენიათ ფრაზები, ის ქალია მას ყურადღება სჭირდება, ოღონდ ეს ყურადღება ყვავილების თაიგულებს არ გულისხმობს, არამედ იმას რომ ქალს სჭირდება მაგარი ხელი, რომელიც მუდამ აკონტროლებს.

თავიდან ეს მაგარი ხელი ოჯახია, შემდეგ მაგარი ხელი ხდება მეუღლე, რომელსაც ქალის მშობლებისგან მემკვიდრეობით გადაეცემა უფლება აკონტროლოს, მართოს, უფლება მისცეს, არ მისცეს და ა.შ. ცუდი მოსასმენია რაზეც ახლა ვსაუბრობ, მაგრამ ძალიან ბევრი თგვენგარი ამ რეალობის მომსწრეა ან ამ რეალობაში ცხოვრობს. ასე რომ განვაგრძობ რადგან აქამდე რაზეც ვისაუბრე ეს მხოლოდ შესავალია.

პირადი ცხოვრების თემა სხვა კუთხითაც ვითარდება, რომელსაც დამოკიდებულებები ქვია, დამოკიდებულება რომ ის მამაკაცია და მან შეიძლება უფლება მისცეს თავის თავს და თქვენ ქალბატონები ხართ. არ ვიცი როგორ შთაბეჭდილებას ვტოვებ თქვენზე როცა ასე უცხო ადამიანი გესაუბრებით ქალების უფლებებზე.

დასაწყისისთვის გეტყვით რომ კაცთმოძულე და ფემინისტი არ ვარ. უბრალოდ ჩემი შეხედულებები, ღირებულებები და აზრები მაქვს, რასაც ძალიან ვაფასებ.

რამდენჯერ დაგისვამთ თქვენი თავისთვის შეკითხვა რით განსხვავდებით მამაკაცისგან ისე რომ მათ აქვთ უფლება მიიღონ დამოუკიდებელი გადაწყვეტილებები თუ როგორ წარმართონ პირადი ცხოვრება და თქვენ არა.

იქნებ პრობლემა თქვენშია, ქალბატონებში. დიახ საზოგადოება, ყველასთვის ცნობილი და ცნობისმოყვარეობით აღსავსე საზოგადოება, რომელსაც ყველაფერზე ყოველთვის აქვს არა მხოლოდ მოსაზრებები არამედ ზუსტი გეგმები ვინ როგორ და რატომ უნდა იცხოვროს, თანაც არგუმენტირებულად.

არადა პირადი ცხოვრება პირადია მხოლოდ იმიტომ რომ ჩემია და არა ჩვენი, რატომ არის მხოლობითი და თანაც ასეთი ზუსტი შინაარსობლივი დატვირთვით პირადი…

ყველაფერი გენიალური მარტივია და ესეც, პირადი ნიშნავს უფრო ზუსტად მხოლოდ თქვენსას, იმას რაზეც თქვენ იღებთ გადაწყვეტილებას, პასუხისმგებლობას, თქვენ გაქვთ ძალაუფლება იცხოვროთ ისე როგორც გსურთ, აკეთოთ ის რაც გსურთ და არასდროს დაიჯეროთ მათი ვინც გეტყვით რომ ქალის ტვინი კაცისაზე ნაკლებს იწონის და სწორედ ამიტომ თქვენ არ შეგიძლიათ საკუთარ თავს მიხედოთ, მაპატიეთ, მაგრამ ეს უკანასკნელი ციტირება იყო, იმ გავრცელებული ფრაზის რომელიც მე ხშირად მსმენია და ვფიქრობ თქვენც.

გამოცდილება ძალიან საინტერესო დეტალი პირადი ცხოვრებიდან.

რისი გამოცდილება გაქვთ თქვენ, როდესაც მე ბევრჯერ გამიგია ფრაზა ჩემი ცხოვრებისეული გამოცდილებით. და რა არის ეს იდუმალი ცხოვრებისეული გამოცდილება, რომელიც ნებისმიერ ადამიანს აძლევს უფლებას მოგცეთ ხშირ შემთხვევაში სრულიად გამოუსადეგარი რჩევა. რა გამოცდილებაზეა საუბარი? თქვენ რა გამოცდილება გაქვთ გაგვიზიარეთ.

ავიღებ ძალიან ინტიმურ თემას პირადი ცხოვრებიდან რამდენი პარტნიორი უნდა ყოლოდა თქვენს მამაკაცს განვლილი ცხოვრების მანძილზე რომ ის მამაკაცურად აღიქვათ? თქვენ რამდენი გყავდათ? არაფერი პირადული უბრალო და ძალინ უწყინარი შეკითხვაა ერთი შეხედვით.

ბოლოს როდის არ გიფიქრიათ რას იტყვიან თქვენზე ესე ან სხვანაირად რომ არ მოიქცეთ? და ბოლოს როდის გაგიკეთებიათ ზუსტად ის რაც გინდოდათ? უბრალოდ რაც არ უნდა გააკეთოდ და როგორც არ უნდა მოიქცეთ ყოველთვის იქნება ვინმე ვისაც თქვენი ნამოქმედარი, გადადგმული ნაბიჯი და გადაწყვეტილება არ მოეწონება, ამიტომ სჯობს ყველაფერი თავიდნვე ისე გააკეთოთ როგორც გსურთ. მაგრამ ამისათვის საჭიროა სულ მინიმუმ თქვენი სურვილები განსაზღვროთ.

თქვენ და თქვენს გვერდით არიან ქალბატონები, რომლებსაც აქვთ საკუთარი პრინციპები და ღირებულებები, აბსოლუტურად დამოუკიდებელი და თავისუფალი ათასი წინასწარგანწყობის და დამოკიდებულებებისგან. და რას ამბობენ იცით მათზე? შეიძლება ეს მხოლოდ თქვენ იცით და ისინი თავად არც ინტერესდებიან, რადგან არც აინტერესებთ.

და მაინც რა არის ეს იდუმალი გამოცდილება?

რა უნდა გააკეო იმისთვის რომ თქვენ ჩაითვალოთ გამოცდილად?

ამაზე სწორ პასუხს ვერავინ გეტყვით თქვენი თავის გარდა, თქვენ უნდა გასცეთ ამას პასუხი, ზედმეტი გაფორმებების და შეფუთვის გარეშე, ყველაზე უკეთ თქვენ იცით რა გაგიკეთებიათ, გამოგიცდიათ რა განგიცდიათ ცხოვრებაში რის ხარჯზეც დაგიგროვებიათ გამოცდილება… ეს თქვენ იცით და მხოლოდ თქვენვე გამოგადგებათ.

არჩევანი… პირადი ცხოვრება მთლიანად არჩევანზეა აგებული. თქვენ ირჩევთ როგორ იცხოვროთ და ცხოვრობთ ზუსტად ისე როგორც გსურთ.

არა? მაშინ რატომ არ ცვლით რამეს?

თუ არ შეცვლი, თუ არ სინჯავ, ვერასდროს მიხვდები როგორ გამოგივიდოდა ან რა მოგეწონებოდა, რა გაგხდიდა მეტად ბედნიერს.

თუ არ მოგწონთ როგორც ცხოვრობთ, მაშინ რატომ არ ცხოვრობთ სხვანაირად? თქვენ არ ირჩევთ არ იღებთ გადაწყვეტილებებს და მხოლოდ უკმაყოფილო ხართ იმით რაც თქვენს გარშემო ხდება… ეს უსამართლობა არ არის ეს თქვენს მიერ დამსახურებული რეალობაა.

საერთოდ აცნობიერებთ იმას რომ ყველაფერი თქვენს არჩევანზეა დამოკიდებული?

დავიწყოთ თავიდან თქვენ ირჩევთ პროფესიას, თქვენ აირჩიეთ თქვენი პროფესია? ოცნებობდით ამ პროფესიაზე? თქვენ ირჩევდით ადამიანებს რომლებთანაც გქონდათ ურთიერთობა თუ იღბალს ენდობოდით?

ირჩევდით მეგობრებს, ირჩევდით სამუშაოს, თქვენ ირჩევთ ადამიანს რომელთანაც გინდათ დარჩენილი ცხოვრება გაატაროთ? თუ თქვენ გირჩევდნენ ყოველთვის…

თქვენ ხართ რჩეული ლამაზად ჟღერს, მაგრამ ეს სულაც არ ნიშნავს იმას რომ პირდაპირი მნიშვნელობით აღიქვათ და ამის გამო ყოველნაირი არჩევანის გაკეთებაზე ხელი ჩაიქნიოთ.

გაიღვიძეთ და გამოფხიზლდით ეს თქვენი ცხოვრებააა, თანაც ერთჯერადი და რაც მთავარია ვარგისიანობის ვადა განუსაზღვრელია.

ასე რომ შეიძლება თქვენთვის ხვალ ყველაფერი დამთავრდეს ისე რომ ვერაფრის გაკეთება მოასწროთ, ან პირიქით კიდევ დიდხანს გაგრძელდეს, მაგრამ რა აზრი აქვს თუ ამ უძვირფასეს პროდუქტ ცხოვრებას არ გამოიყენებთ, არც კი გახსნით, გემოს არ გაუსინჯავთ და ერთხელაც არ დაინტერესდებით ნეტავ ამ ყუთში რა დევს დიდი ასოებით ცხოვრება რომ აწერიაო???

თქვენ ცხოვრობთ მხოლოდ თქვენი ცხოვრებით და რაც არ უნდა მოხდეს ამას სხვა თქვენს მაგიერ ვერ გააკეთებს…

გადაწყვეტილებები…

როდის მიიღეთ დამოუკიდებლად სერიოზული გადაწყვეტილება, რომელმაც თქვენი ცხოვრება შეცვალა?

ვერ იხენებთ იმიტომ რომ დიდი ხნის წინ იყო? გილოცავთ!!!

ვერ იხსენებთ იმიტომ რომ არ გახსენდებათ? ესე იგი თქვენ შეცდომებზე არაფერი გისწავლიათ. ალბათ სხვის შეცდომებზე სწავლობდით.

თუ ამის გჯერათ იქნებ თქვენი შეცდომები გაიხსენოთ, უფრო სწორად ის ერთნაირი შეცდომები რომელიც ბევრჯერ დაგიშვიათ.

იმიტომ რომ უშეცდომო არავინაა და ძლიერიც სწორედ ის არის ვისაც შეუძლია საკუთარი შეცდომების გაანალიზება და ანალიზის საფუძველზე მათი მხოლოდ ერთხელ დაშვება.

დაუშვა შეცდომა ნიშნავს იცხოვრო, უფრო სწორად მიხვდე როგორ უნდა იცხოვრო ისე რომ ეს შეცდომა მეორედ აღარ დაუშვა.

კიდევ ფიქრობთ რომ შეცდომები არ დაგიშვიათ? იქნებ დამიფქრდეთ იმაზეც რომ აღიარება სირცხვილი არ არის, პირიქით, აღიარება ნიშნავს რომ აცნობიერებ საკუთარ საქციელს, შეიძლება არც ნანობ მაგრამ აცნობირებ და ეს უკვე კარგია. იმიტომ რომ ყველაფერი ეს გვეხმარება გადაწყვეტილების მიღებაში.

სწორ გადაწყვეტილებებზე არა, აუბრალოდ გადაწყვეტილებებზე ვსაუბრობ. ის ყველა შემთხვევაში თქვენია და თქვენ ხართ მათზე პასუხისმგებელი. იღებთ ამ პასუხისმგებლობას?

იფიქრეთ ამაზე…